سوشل میڈیا پر پچھلے چند روز سے ہند و پاک سے تعلق رکھنے والے جماعت اسلامی کے بہت سے لوگ مولانا سید ابو الاعلیٰ مودودیؒ کی یوم وفات و یوم پیدائش کی تصاویر ، ان کے جنازے کی تصاویر وغیرہ سوشل میڈیا پر ڈال رہے ہیں اور کئی لوگوں نے اس طرح کی چیزیں منشن کرکے مجھے بھی بھیجی تھیں ۔
موجودہ دور کے مختلف نظریات کے حامل مکاتبِ فکر کے بانیوں کا یوم پیدائش و یوم وفات منایا جاتا ہے ۔ ان میں مذہبی ، ادبی اور ترقی پسند یا کیمونزم کی بانی شخصیات شامل ہیں ۔اس سے تحریک پاکر اب مختلف دینی تنظیموں سے وابستہ لوگ بھی ہر سال اپنے مرحوم بانیوں کو ان کے یوم پیدائش یا یوم وفات پر یاد کرتے ہیں ۔
مولانا سید ابوالاعلیٰ مودودی کی پیدائش 25 ستمبر 1903ء کو ہوئی تھی ۔ اس لئے ان کا بھی ہر سال 25 ستمبر کو جماعت اسلامی کی طرف سے یوم پیدائش منایا جاتا ہے ، بالفاظ دیگر میلاد مودودی منایا جاتا ہے۔ اور اتفاق سے اسی ستمبر کی 22 تاریخ 1979ء کو انتقال ہوا تھا ، اس لئے جماعت اسلامی والے ستمبر کا عشرہ آخر مولانا سید مودودی کی یاد میں مناتے ہیں ۔ لیکن ستمبر کا مہینہ تو عیسائیوں کے کلینڈر کا مہینہ ہے ، جبکہ اسلامی کلینڈر ہجری یا ہجرت نبوی سے منسلک کلینڈر ہے ۔ تو سوال یہ ہے کہ کیا جماعت اسلامی کے اقامت دین کے منشور میں ہجری کلینڈر کے بجائے عیسوی کیلنڈر ہی کا انتخاب ہوگا ؟
یہاں پر ایک اور ہم سوال ذہن میں آرہا ہے کہ کیا ہر سال اپنے بانیوں کا یوم پیدائش یا یوم وفات منانا شریعتِ اسلامی کے مطابق جائز ہے ؟ اگر یہ سب جائز ہے ، اور عملی لحاظ سے تو جائز ہی معلوم ہوتا ہے ۔ تو پھر میلاد نبوی منانے والوں پر اعتراض کیوں کیا جاتا ہے ؟ اور اسے بدعت کیوں گردانا جاتا ہے؟ اگر مولانا سید مودودی کے یوم وفات اور یوم پیدائش دونوں دن منانا جائز ہے ، تو پھر پیغمبر اسلام صلی اللہ علیہ وسلم کا یوم میلاد منانے میں وہ حصہ کیوں نہیں لیتے ؟ اس کا اہتمام وہ کیوں نہیں کرتے ؟ پیغمبر اسلام صلی اللہ علیہ وسلم کے مقابلے میں سید مودودی کی کیا حیثیت ہے ؟ لیکن اگر پیغمبر اسلام صلی اللہ علیہ وسلم کے ساتھ کسی نئی چیز کو جوڑنا بدعت ہے ، تو پھر وہی چیز کسی بانی جماعت کے ساتھ کیسے جائز ہوسکتی ہے ؟
ہر سوال کا جواب کہاں ملتا ہے اے دوست
کبھی خاموشی بھی اک دلیل بن جاتی ہے
غلام نبی کشافی سرینگر کشمیر
مزید خبریں:
طالبان کی جانب سے افغانستان میں انٹرنیٹ پر پابندی ایک نیا چیلنج
مفکرِ اسلام مولانا سید ابوالحسن علی ندویؒ حیات و خدمات
شیعہ سنی اتحاد کی آڑ میں مولاناسلمان ندوی کی انتہا پسندانہ مہم جوئی
کیتھرین پیریز شکدم وہ یہودی جاسوس خوبصورت لڑکی جس نے ایران کے دل میں نقب لگائی !
ہماری وٹس ایپ چینل میں شمولیت اختیار کرنے کے لئے یہاں کلک کریں
