اسرائیل کا اگلا ہدف پاکستان ہے :گلبدین حکمتیار

سابق وزیراعظم اور حزب اسلامی کے سربراہ گلبدین حکمتیار نے ایران اور اسرائیل کی جنگ کے حوالے سے کہا ہے کہ اسرائیلی حملے امریکہ کی حمایت کے بغیر ممکن ہی نہیں۔
انہوں نے مزید کہا کہ اسلامی ممالک پر یہ حملے نہ تو پہلے کبھی ختم ہوئے تھے اور نہ ہی اب ختم ہوں گے؛ یہ سلسلہ 2001 میں افغانستان سے شروع ہوا اور گزشتہ 25 برسوں میں عراق، شام، لبنان، سوڈان اور فلسطین اس کے شکار بنے۔ اب نوبت ایران کی آئی ہے، اور اگر اسرائیل اس حملے میں کامیاب ہوتا ہے تو اگلا ہدف ایٹمی طاقت پاکستان ہوگا۔ انہوں نے شام اور ترکی کا بھی بطور ممکنہ اہداف ذکر کیا۔
حکمتیار نے کہا کہ تل ابیب کی شکست خطے میں امن کے قیام کی راہ ہموار کرے گی۔