اس میں کوئی شک نہیں کہ یہ کتاب داستان کی طرح دلکش ہے ،ہمارے لیے سرمایہ افتخار ہے اور ہماری ہمت بڑھاتی ہے ۔
*جناب سید حامد*
*سابق وائس چانسلر علی گڑھ مسلم یونیورسٹی ،علی* گڑھ
اللہ جزائے خیر دے ندوة العلماء کے عزیز فرزند اور دارالعلوم ندوة العلماء کے نوجوان استاد مولوی فیصل احمد بھٹکلی ندوی کو کہ انہوں نے کئ برسوں کی محنت و جستجو ئے علمی سے ان عظیم شخصیتوں کے حالات کئ ضخیم جلدوں میں اکھٹا کر دئیے ہیں۔
*حضرت مولانا سید محمد رابع حسنی ندوی*
*ناظم دار العلوم ندوة العلماء لکھنؤ ،صدر آل انڈیا مسلم پرسنل لاء بورڈ*
۔۔۔۔۔۔ ۔۔۔۔۔۔۔۔۔۔۔ ۔۔۔۔ ۔۔۔۔۔۔۔۔۔۔۔۔۔۔
اللہ تعالیٰ نے یہ سعادت مولانا فیصل صاحب بھٹکلی ندوی کے لیے مقدر کی تھی کہ وہ اس مشکل سفر کو طے کریں اور اس قرض کو ادا کرنے کی کوشش کریں جو ہم سب پر عائد ہوتا ہے ۔
*مولانا نور الحسن راشد کاندھلوی*
۔۔۔۔۔۔ ۔۔۔۔۔۔۔ ۔۔ ۔۔۔۔۔۔۔۔۔۔۔۔۔۔۔۔۔۔۔۔۔
آپ نے ایک نہایت اہم موضوع پر قلم اٹھایا ہے جس کے بارے میں ادھر اُدھر سے متفرق باتیں تو کہی گئی ہیں، مگر کوئی باضابطہ مربوط اور مستند تحقیق کی ہمت کسی نے نہیں کی ۔ یہ کتاب نہایت مفید عالمانہ اور تحقیقی کتاب ہے۔
( *پروفیسر نثار احمد فاروقی*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ نے اس کتاب میں بعض ایسی معلومات مہیا کی ہیں جو آسانی سے نہیں ملتی ہیں اور بعض کتابیں ایسی ہیں جو اکثر لوگوں کے علم میں نہیں ہیں۔ آپ نے یہ بہت اچھا کیا کہ جو سارے ہندستان کے علما کا ذکر کم و بیش تفصیل سے کر دیا۔ آپ نے یہ بھی اچھا کیا کہ تحریک آزادی کی اصطلاح کو محدود معنی میں نہیں لیا، بلکہ اسے انگریزی حکومت اور انگریزی طرز و فکر اور قوانین کے خلاف علمی کارروائی کو بھی تحریک آزادی کا حصہ قرار دیا۔
( *شمس الرحمن فاروقی*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ نے یقینا بڑی محنت کی ہے اور علم و دین کی بڑی خدمت انجام دی ہے۔
( *ڈاکٹر عبد الحق انصاری، امیر جماعت اسلامی ہند* )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ ایک اہم منصوبہ ہے جس پر آپ نےقلم اٹھایا ہے۔ مراجع کی فہرست دیکھ کر اطمینان ہوا
کہ موضوع پر اہم کتابیں آپ کی دسترس میں ہیں۔
( *ڈاکٹر مختار الدین احمد*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنے موضوع پر ،خصوصاً اپنے دور کے لحاظ سے آپ کی یہ تصنیف بے حد مبسوط، جامع
اور معلوماتی ہے اور آپ نے اس کے مشمولات و مباحث کے لیے حد درجہ مستعدی اور توجہ ومحنت سے معلومات یکجا کی ہیں اور ممکنہ غیر جانب داری کے ساتھ نتائج اخذ کیے ہیں ۔ متعددشخصیات و موضوعات آپ کی اس تصنیف کے ذریعے متعارف ہوئے ہیں۔
( *ڈاکٹر معین الدین عقیل ، شعبہ اردو، کراچی یونیورسٹی، کراچی*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کتاب کی بڑی خوبی یہ ہے کہ پہلی بار جنوبی ہند کے علماء کی سرگرمیوں کو ایک مربوط اور مستند انداز میں پیش کیا گیا ہےکتاب کی تصنیف میں بڑی محنت سے ہم عصر اور بعد کے ماخذوں کا استعمال کیا گیا ہے۔
( *پروفیسر اقبال حسین، شعبہ تاریخ مسلم یونیورسٹی علی گڑھ*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ نے ملت اسلامیہ کی طرف سے فرض کفایہ ادا کر دیا۔ اس کتاب کی کون کون سے خوبی کی تعریف کی جائے ثقہ وسنجیدہ زبان بیان ، بے حد عمیق مطالعہ،تحقیق و تدوین کے موجودہ معیار سے کہیں بلنڈ میٹر و مسالہ، اب تک اس موضوع پر جس قدر لکھا گیا ہے اس پر آپ کی بھر پور نظر ہے۔
( *حکیم محمد حسین شفا، سابق اسٹنٹ لائبریرین رضا لائبریری ،رامپور*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماشاء اللہ آپ نے عرق ریزی سے مواد اکٹھا کیا ہے، سلیقہ سے پیش فرمایا ہے ۔ در حقیقت آپ نے اپنے موضوع سے نہ صرف انصاف کیا ہے، بلکہ اس کتاب کو تاریخی دستاویز و حرف تابندہ بنا دیا ہے۔ اللہ تعالٰی آپ کو جزائے خیر عطا فرمائے۔ آپ کی یہ گراں مایہ تالیف آپ کی محنت شاقہ، کثرت مطالعہ اور درک و تدبر کی روشن دلیل ہے۔
( *ڈاکٹر راہی فدائی، کڈپہ آندھرا پردیش*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کتاب کے مندرجات سے اندازہ ہوتا ہے کہ بہت سی شخصیات کو آپ نے محفوظ کر دیا ہے۔ شاید اس قسم کا کام پہلی مرتبہ ہوا ہے۔
( *ڈاکٹر شعائر اللہ خاں ایڈیٹر ماہنامہ ضیاء وجبہ رامپور وصدر روہیل کھنڈ لٹریری سوسائٹی*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزادی سے سے متعلق آپ نے جو کتاب تحریر کی ہے وہ اپنے دامن میں معلومات کا خزانہ رکھتی ہے، بہت سے نئے گوشے نئے انداز سے سامنے آگئے ہیں ۔ کتاب کے مطالعہ سے صاف ظاہر ہے کہ آپ نے مواد اکٹھا کرنے میں کافی محنت ، عرق ریزی اور دیدہ وری سے کام لیا ہے،علم و تحقیق کے مسافر کی جو آن بان ہونی چاہیے اس کتاب میں یہوصف نمایاں ہے۔
( *مولانا محمد رضوان القاسمی سابق ناظم دار العلوم سبیل السلام، حیدرآباد*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واقعہ یہ ہے کہ یہ کتاب اپنے موضوع پر بے نظیر ہے اور آپ نے جس اعتدال اور انصاف کے ساتھ تاریخ کا مطالعہ و تجزیہ کیا ہے وہ حد درجہ قابل قدر ہے۔ اگر یہ سلسلہ تحقیق کے ساتھ موجودہ زمانے تک مکمل ہو جائے تو بہت سی غلط فہمیاں دور ہوں گی اور صحیح حقائق سے شائقین روشناس ہو سکیں گے۔
( *مولانا مفتی محمد سلمان منصور پوری، مدرسہ شاہی مراد آباد*)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ نے ایک اہم موضوع پر کام کیا ہے۔ خدا آپ کو اس کا اجر عطا فرمائے۔ جو پہلو آپ نے لیے ہیں اور جس موضوع پر آپ نے تنہا کام کر ڈالا ہے، یہ پروجیکٹ ورک تھا اور کئی حضرات مل کر اس پر کام کرتے جب مکمل ہوتا لیکن خدا نے آپ کو ہمت عطا فرمائی اور آپ تنہاکامیاب ہوئے۔
( *ڈاکٹر ظہیرعلی صدیقی – رامپور* )
مزید خبریں:
اہلِ بیت رضی اللہ عنھم ایک ماڈل خانوادہ
مسلمان ہونے کی تمنا رکھنے والی اٹلی کی غیر مسلم خاتون کا سوال
ہیروشیما پر ایٹمی حملے کی 80ویں برسی، جاپان کا پرامن دنیا کے لیے مؤثر پیغام
عاقل نذیر افغان بزرگ نے دعویٰ کیا کہ میں آج 140 سال کا ہوں اور 1880 میں پیدا ہواہوں
ہماری وٹس ایپ چینل میں شمولیت اختیار کرنے کے لئے یہاں کلک کریں
