جمعہ کی صبح بحیرہ اسود میں ترکی کے شمالی ساحل کے قریب ایک دل دہلا دینے والی اوپن فریکوئنسی ریڈیو کال سنائی دی جب یونانی جھنڈے والا آئل ٹینکر ”ویراِس ویراٹ“ یوکرینی بغیر پائلٹ سمندری ڈرونز کے حملے کی زد میں آ گیا۔
”یہ VIRAT ہے! مدد چاہیے! ڈرون حملہ! میڈے! میڈے! میڈے!“ کریو ممبر نے ٹوٹی پھوٹی انگریزی میں چیخ کر کہا۔ ”پوزیشن فور ٹو… تھری سیون پوائنٹ نائن نارتھ… تھری تھری… ون فور ایٹ پوائنٹ ایٹ ایسٹ… براہِ کرم مدد کریں! ڈرون حملہ! ڈرون حملہ!“
ہماری وٹس ایپ چینل میں شمولیت اختیار کرنے کے لئے یہاں کلک کریں تاکہ آپ کو سب سے پہلے نئی اپ ڈیٹ ملے
یہ مقام ترکی کے ساحلی شہر ایریگلی سے تقریباً 70 ناٹیکل میل شمال مغرب میں ہے، جو کرچ آبنائے کے قریب انتہائی حساس علاقہ شمار ہوتا ہے۔
یوکرین کی سیکیورٹی سروس (SBU) نے ذمہ داری قبول کرتے ہوئے بتایا کہ یہ حملہ جدید ”سی بیبی“ سمندری ڈرونز کے ذریعے کیا گیا۔ اسی آپریشن میں چند گھنٹے پہلے ایک اور شیڈو فلیٹ ٹینکر ”کائرو“ کو بھی نشانہ بنایا گیا تھا۔ دونوں جہازوں پر الزام ہے کہ وہ روسی تیل کو پابندیوں سے بچا کر ایشیا (خاص طور پر چین) منتقل کر رہے تھے۔
28 نومبر کی رات کو ہی ”ویراٹ“ پر دھماکے ہو چکے تھے۔ جمعہ کا ڈرون حملہ 24 گھنٹوں سے بھی کم وقت میں دوسرا وار تھا، جو یوکرین کی اس مہم کو اجاگر کرتا ہے جس میں وہ روسی ”شیڈو فلیٹ“ یعنی پرانی، اکثر انشورنس کے بغیر چلنے والی جہازوں کو نشانہ بنا رہا ہے۔
ترکی کے وزیرِ ٹرانسپورٹ عبدالقادر اورال اوغلو نے تصدیق کی کہ جہاز کو ”بیرونی دھچکا“ لگا ہے اور ریسکیو ٹگ بوٹس اور کوسٹ گارڈ فوراً روانہ کر دیا گیا ہے۔ آگ اور دھوئیں کے باوجود جہاز تیرتا رہا، معمولی نقصان ہوا، کوئی جانی نقصان نہیں ہوا اور تاحال تیل کا رساؤ کی بھی کوئی رپورٹ نہیں۔
حملے کے دوران ریڈیو پر چیخنے چلانے کی آڈیو اور ویڈیو سوشل میڈیا پر تیزی سے وائرل ہو گئی۔ کریو کی گھبراہٹ بھری آواز نے لاکھوں لوگوں کو حیران کر دیا۔
2024 کے آغاز سے اب تک یوکرین دعویٰ کرتا ہے کہ اس نے روسی شیڈو فلیٹ کے 20 سے زائد جہازوں کو نقصان پہنچایا یا تباہ کیا ہے۔ ان حملوں کا مقصد انشورنس اخراجات بڑھا کر جہاز مالکان کو ڈرانا اور روس کی جنگ کی معیشت کو کمزور کرنا ہے۔
”ویراٹ“ کے کریو کے لیے اس لمحے صرف ایک چیز اہم تھی – زندہ بچنا۔ اور وہ لمحہ اب ہمیشہ کے لیے ریڈیو کی اس ایک چیخ میں قید ہو گیا:
”یہ VIRAT ہے… ڈرون حملہ… براہِ کرم مدد کریں!“
مزید خبریں:
ترک صدر اردوغان کا ٹرمپ سے حماس امن بات چیت پر بڑا انکشاف
امریکی جیل میں43 سال تک سلاخوں کے پیچھے رہنے والے بے گناہ”سبرامنیم سبو ویدم”
شیعہ سنی اتحاد کی آڑ میں مولاناسلمان ندوی کی انتہا پسندانہ مہم جوئی
کیتھرین پیریز شکدم وہ یہودی جاسوس خوبصورت لڑکی جس نے ایران کے دل میں نقب لگائی !
