واشنگٹن کے دورے پر گئے اسرائیلی وزیر خارجہ گدعون سعر نے امریکی وزیر خارجہ مارکو روبیو کے ساتھ ملاقات میں "خطے میں ایرانی اثر و رسوخ کے ساتھ مقابلے” کے بارے صلاح مشورہ کیا ہے۔ اس ملاقات کے بعد صحافیوں کے ساتھ گفتگو میں گدعون سعر نے دعوی کیا کہ آزاد فلسطینی ریاست کبھی نہیں بنے گی۔ اسرائیلی وزیر خارجہ کا کہنا تھا کہ اسرائیل کا ٹرمپ کے دور میں امریکہ سے بڑا کوئی دوست نہیں اور ہم اس کے سب سے بڑے اتحادی ہیں!
اسرائیلی رژیم کی وزارت خارجہ نے بھی اس ملاقات کے بارے ایک بیان جاری کرتے ہوئے اعلان کیا ہے کہ سعر نے اسرائیل کی اندھی حمایت پر مارکو روبیو کا شکریہ ادا کیا جبکہ اس ملاقات میں دونوں وزرائے خارجہ نے مشرق وسطی میں موجود مختلف چیلنجوں و مواقع کے ساتھ ساتھ غزہ کی جنگ پر بھی تفصیلی تبادلہ خیال کیا ہے۔ الجزیرہ کے مطابق اس بیان میں کہا گیا ہے کہ دونوں فریقوں نے ایرانی خطرے کو ختم کرنے کے لئے مل کر کام کرنے کے ساتھ ساتھ بین الاقوامی سطح پر اسرائیل مخالف تحریکوں کے مقابلے پر بھی صلاح مشورہ کیا۔ادھر امریکی وزارت خارجہ کا بھی کہنا ہے کہ مارکو روبیو اور گدعون سعر نے غزہ، لبنان و شام کے اہم مسائل پر تبادلہ خیال کیا اور ایران کے مضر اثرات اور اثر و رسوخ کا مقابلہ کرنے کی اہمیت پر تاکید کی۔
مزید خبریں:
انجینئر محمد علی مرزا مفتن یامحقق ؟
مفکرِ اسلام مولانا سید ابوالحسن علی ندویؒ حیات و خدمات
شیعہ سنی اتحاد کی آڑ میں مولاناسلمان ندوی کی انتہا پسندانہ مہم جوئی
کیتھرین پیریز شکدم وہ یہودی جاسوس خوبصورت لڑکی جس نے ایران کے دل میں نقب لگائی !
ہماری وٹس ایپ چینل میں شمولیت اختیار کرنے کے لئے یہاں کلک کریں
